Krenadenn

Gant he ampartiz sonerezhel hag he energiezh laouen e lak Barbara Le Kraz luskoù elektronek da vevañ. Sonioù boud, ritmoù ha sonioù a bep seurt a eskemm war ar prim gant an daou drompilh hag ar c'han.

En ur selaou energiezh an dañs e tegas dezhañ sonioù levezonet gant beajoù sonerezhel er bed a-bezh, gant ar sinema, pe gant huñvreadennoù liammet ouzh testennoù ar c'hanaouennoù.

Goude Jerry Cornic ("Melting paotr", 2003), Skolkozh (2008) ha Krenijenn ("Peseurt Mood ?", 2011) e kinnig Erwan Burban, kaner ha soner trompilh, ur raktres nevez evit ar fest-noz, adarre gant luskoù elektronek ha trompilh.

E grouidigezhioù a vez levezonet gant dañsoù ar festoù-noz, dielloù Dastum hag heklev breizhek sonerezhioù ar bed.

Degas a ra Brian Ruellan da g/Krenadenn e gouiziegezh jazz hag e veajoù sonerezh e broioù ar Reter kreiz. Goude bezañ kemeret perzh er 6vet Kreiz Breizh Akademi (KBA#6), en deus sonet ivez en triad fest-noz "An Tri Dipop".

Divizout a ra gant Erwan evel en ur c'houplad sonerien daou-ha-daou hengounel, daou drompilh o seniñ ar c'han hag an diskan, pe o kas war raok ar memes melodienn a unvouezh, pe c'hoazh o c'hoari asambles war ar prim.